अनलाईन सूचना | सूचना पल पल को
EN NP
somersby-610
Kanchan Samaj Club players, Royal Gorkha Club, King Khan Nepal I

राष्ट्रिय हक्की प्रतियोगिता जनकपुरमा हुने

माघ,४, मंगलबार

सातौं राष्ट्रिय पुरुष तथा दोस्रो राष्ट्रिय महिला हक्की प्रतियोगिता जनकपुरमा हुने भएको छ ।

नेपाल हक्की सङ्घ तथा अन्य सङ्घ संस्थाको सहयोगमा आउँदो चैत १४ देखि १९ गतेसम्म जनकपुरको रङ्गभूमि मैदान बाह्रबिगाहामा प्रतियोगिता हुने जनाइएको छ ।

मङ्गलबार बिहान रिपोर्टस् क्लब जनकपुरमा भएको पत्रकार सम्मेलनमा धनुषा हक्की सङ्घको उपाध्यक्ष अमित झाले प्रतियोगितामा पुरुष तर्फ नेपालको पाँच विकास क्षेत्रका पाँचवटा टोली र नेपाली सेनाको टोली गरी ६ वटा टोली तथा महिलातर्फ चारवटा क्षेत्रीय टोली र नेपाली सेनाको महिला टोली गरी पाँचवटा टोलीको सहभागिता रहने जानकारी दिनुभयो ।

स्थानीयस्तरमा धनुषामा यसअघि चारवटा हक्की प्रतियोगिता भइसकेका छन् । तर यसपालि राष्ट्रिय स्तरमा पहिलो पटक प्रतियोगिता हुन गइरहेको छ । रासस